Viloyat IIB axborot xizmatining ma’lum qilishicha, voqea 16-mart kuni Uchqo‘rg‘on–Qo‘g‘ay yo‘lining “Tegirmon” MFY hududidan o‘tgan qismida sodir bo‘lgan. “Matiz” haydovchisi harakat xavfsizligini ta’minlay olmay, yo‘lning o‘ng tomonida harakatlanib borayotgan “Neksiya” boshqaruvchisini va gaz yonilg‘isi tugab qolganligi sababli uning orqasidan surib ketayotgan yana bir fuqaroni urib yuborgan.
Hodisa oqibatida piyodalardan biri og‘ir tan jarohati olib, shifoxonada vafot etgan. Uning sherigi miya chayqalishi tashxisi bilan kasalxonaga yotqizilgan.
Hozirda mazkur holat bo‘yicha jinoyat ishi qo‘zg‘atilgan.