Намангандаги тоғда канат узилиб кетгани айтилди
Ҳолат юзасидан вилоят ФВБ маълумот берди.

Бугун, 31 июль куни ижтимоий тармоқда Чодакдаги канатнинг троси узилгани ва тепада одамлар қолиб кетгани ҳақида хабарлар тарқалди. Ҳолат юзасидан Наманган вилояти Фавқулодда вазиятлар бошқармаси ахборот хизмати расмий муносабат билдирди.
Маълум қилинишича, канатда ҳеч қандай кўнгилсиз воқеалар кузатилмаган.
Тезкор ишчи гуруҳ бу бўйича ўрганишлар ўтказиб, канат раҳбари хамда ишчи ходимларига техника хавфсизлиги қоидаларига риоя қилиш юзасидан қўшимча йўриқномалар берган.








