Неймарнинг уч ойлик танаффуси якунига етмоқда
Почеттино Неймарни “Реал”га қарши ўйинда иштирок этишига умид қилмоқда.
“ПСЖ” бош мураббийи Маурисио Почеттино бразилиялик ҳужумчи Неймарнинг “Реал”га қарши Чемпионлар лигаси ўйинида жамоага қайтиши ҳақидаги саволга жавоб берди.
“Биз сешанба куни бўлиб ўтадиган ўйинга жуда яхши кайфиятда тушамиз. Неймар? Яқин кунларда у умумий гуруҳда бўла оладими ёки йўқми, билмайман. Кутишлар ҳақида гап кетганда эҳтиёт бўлишимиз керак. Келинг, яқин кунларда воқеалар қандай ривожланишини кўрамиз. Агар ҳаммаси яхши бўлса, у жамоада бўлиши мумкин va умид қиламанки, шундай бўлади”, — дея Почеттинонинг сўзларидан “Le Figaro ” иқтибос келтирди.
Эслатиб ўтамиз, 15 февраль куни Парижда “ПСЖ” va “Реал” ўртасидаги UEFA Чемпионлар лигаси 1/8 финалининг илк учрашуви бўлиб ўтади. Парижликлар ҳужумчиси Неймар ноябрь ойи охирида тўпиғидан жароҳат олган эди. Февраль ойининг бошида у индивидуал машғулотларни бошлаган.
Аввалроқ, Дракслер “ПСЖ” учун кераксиз футболчига айлангани va Ҳабиб Нумагомедов Чемпионлар лигасе фаворитларини айтгани ҳақида xabar берилганди.
Жамшидбек Амиров
