Rossiya YEXHTdagi doimiy vakili Aleksandr Lukashevich nima uchun G‘arb Moskvaning Ukrainaga hujumi to‘g‘risida vahima ko‘tarayotganini maʼlum qildi. Bu haqda “Ria Novosti” xabar berdi.
“Bizga bundan ko‘zlangan vazifalar maʼlum. Eng avvalo Ukrainaning Minsk kelishuvlarini bajarmayotganini oqlash. Bundan tashqari bu orqali NATO tomonidan Ukraina hududini o‘zlashtirish uchun axborot asosini tayyorlash ko‘zda tutilmoqda”, –– degan Lukashevich YEXHT majlisida.
Diplomatning qo‘shimcha qilishicha , AQSH tashabbusi bilan yanvar kuni BMT xavfsizlik kengashining Rossiya “hujumi” borasida yig‘ilish o‘tkazilgan. Ammo bu “navbatdagi rossiyaga qarshi shou”dan boshqa narsa emasligi taʼkidlangan.
Maʼlumot o‘rnida: So‘nggi oylarda G‘arb Rossiyaning Ukrainaga bostirib kirishi mumkinligini aytib kelmoqda. O‘z navbatida Moskva bu kabi ayblovlarni rad etyapti.
Avvalroq AQSH zarurat tug‘ilgan taqdirda uning qo‘shinlari Ukrainaga kiritilishi mumkinligini maʼlum qilgandi.
Jahongir Qo‘ziyev