“O’zbekneftgaz” AJ Boshqaruvi raisi Abdug’ani Sanginovning topshirig‘iga ko‘ra, Nishon va G’uzor tumanlarini bog‘laydigan 5 km masofadagi abgor yo‘l tez orada ta’mirlanadi. Bu yo‘l ko‘plab murojaatlarda xalq tilida Gres deb ataladigan “Nuriston” shaharchasidan G’uzorgacha bo‘lgan qism sifatida alohida qayd etilgan edi.
Boshqaruv raisi bugun zavodlarda ishchi-xizmatchilar bilan bo‘lib o‘tgan samimiy muloqotda yo‘l muammosini ijobiy hal etish bo‘yicha mutasaddilarga topshiriq berdi. Shu orqali yo‘lni ta’mirlash ishlari tezlashtiriladi va zamon talablariga moslashtiriladi.
Yaqin orada ushbu yo‘lning ta’miri boshlanib, bir necha yuzlab “O’zbekneftgaz” xodimlari har kuni foydalanadigan marshrut xavfsiz va qulay holga keltiriladi. Kompaniya ijtimoiy tarmoqlari orqali bu yangilikni e’lon qildi.
Shu bilan birga, yo‘l ta’miri mintaqadagi transport va ishchi-xodimlar harakatini sezilarli darajada yaxshilashga xizmat qiladi, hudud aholisi va kompaniya xodimlari uchun qulaylik yaratadi.