Новак Жоковични яна бир муаммо кутмоқда

 

Эмлашдан бош тортиш Новак Жоковичга Австралия Очиқ чемпионатидан четлатилганидан ҳам  қимматроққа тушиши мумкин. “Тennis Head” хабарига кўра, сербиялик теннисчи ҳомийлик шартномалари билан боғлиқ муаммоларга дуч келиши кутилмоқда.

 

Газетанинг ёзишича, ҳозирда спортчи билан ҳамкорлик қилувчи етакчи компаниялар Австралияда унинг шахси атрофидаги жанжални кузатиб бормоқда. вазият эмлаш кампаниясининг асосий рақибига айланиб бораётган сербиялик спортчи  фойдасига кетаётгани йўқ. Бу ҳодиса реклама берувчиларни қўрқитишни бошлаган ва улар шартномаларни бекор қилишга тайёр. Бунинг ортидан Жокович  30 миллион доллар  миқдорда пул йўқотиши мумкин.

 

Маълумот ўрнида: Австралия расмийлари Жоковични Очиқ чемпионатдан, эмлашдан озод қилишга қаратилган тиббий ёрдам олиш учун асослар етарли эмас деб ҳисоблаб, унинг визасини бекор қилишди.

 

Теннисчи судга  мурожаат қилди ва унда ғалаба қозонди. Аммо у ҳамон мамлакатдан депортация қилиниши мумкин. Виктория ҳукумати Жоковични Австралияга киришда ёлғон маълумот берганликда гумон қилмоқда.

 

Аввалроқ дунёнинг собиқ биринчи рақамли теннисчиси Рожер Федерер 2022 йилги “Australian Open” турнирида қатнашмаслигини маълум қилганди.

 

Насиба Тўхтаева