Рожер Федерер “Australian Open”да қатнашмайди
“Катта Дубулға” турнирларининг 20 карра чемпиони ва дунёнинг собиқ биринчи рақамли теннисчиси Рожер Федерер 2022 йилги “Australian Open” турнирида қатнашмаслигини маълум қилди.
Эслатиб ўтамиз, Рожер Федерер тиззасидаги жароҳат туфайли жорий мавсумни муддатидан аввал якунлаган эди. У “Uimbldon-2021” турнирининг чорак финалида полшалик Хуберт Хуркачга ютқазгандан сўнг қайта кортга чиқмади.
Маълумот ўрнида: Федерер 111 марта АТП турнирида ғолиб чиққан (шундан 103 таси яккалик баҳсларида). 310 ҳафта давомида АТП рўйхатининг биринчи поғонасини бошқариб борган. Бундан ташқари кетма-кет 237 ҳафта, мағлубиятсиз серия қайд этган. АТП яккалик рейтингида биринчи ўринни эгаллаган энг кекса теннисчи ҳисобланади.
Аввалроқ Рожер Федерер дунёнинг энг кучли ўнта теннисчиси рўйхатини тарк этгани ва Новак Жокович мавсумни муддатидан олдин якунламоқчи эмаслиги ҳақида хабар берилганди.
Жамшидбек Амиров
