Нью-Йоркда фавқулодда ҳолат эълон қилинди
Нью-Йорк губернатори Эндрю Куомо Генри бўрони яқинлашаётгани учун шаҳарда фавқулодда ҳолат эълон қилди.
Ёмон об-ҳаво туфайли расмийлар Озодлик ҳайкалини ҳам жамоатчиликка ёпиб қўйди. Бўрон вақтида шамолнинг тезлиги тахминан соатига 128 километрга етиши кутилмоқда.
"Мен Генри бўрони туфайли фавқулодда ҳолат эълон қилдим. Миллий гвардиянинг 500 аскари сафарбар қилинди ва давлат ресурслари бўронга жавоб беришга тайёр", —деб ёзади губернатор ижтимоий тармоқдаги саҳифасида.
Эслатиб ўтамиз, АҚШнинг Шимолий Каролина штатида Фред тропик бўрони туфайли келиб чиққан тошқинда камида 35 киши бедарак йўқолган.
