Statistika agentligi maʼlumotlariga ko‘ra, 2023-yilning yanvar-iyun oylarida respublikadagi barcha toifadagi xo‘jaliklar tomonidan qariyb 50 ming tonna uzum yetishtirilgan. Bu ko‘rsatkich 2022-yilning mos davri bilan solishtirganda 2,7 foizga oshgan.
O‘zbekistonda yetishtirilgan uzum umumiy hajmining qariyb uchdan bir qismi Surxondaryo viloyati (29,2 foiz) hissasiga to‘g‘ri keldi. Shuningdek, yuqori ulush Namangan (15,1 foiz), Qashqadaryo (12,4 foiz), Buxoro (12,2 foiz) va Samarqand (8,9 foiz) viloyatlarida qayd etilgan.
Uzum yetishtirishning umumiy hajmidagi ulushining eng past ko‘rsatkichlari Qoraqalpog‘iston Respublikasida (0,7 foiz), Jizzax viloyatida (1,4 foiz)ga to‘g‘ri kelgan.