Bugun, 31-iyul kuni mahalliy vaqt bilan soat 04:42 da O‘zbekiston hududida zilzila sodir bo‘ldi. Bu haqda Favqulodda vaziyatlar vazirligining Seysmoprognostik monitoring Respublika markazi xabar berdi.
Ma’lum qilinishicha, zilzila kuchi Toshkent viloyatining Olmaliq shahrida 2–3 ballni tashkil etgan.
Episentr: Toshkent viloyati Ohangaron tumani. Zilzila koordinatalari: 40,89 gradus shimoliy kenglik; 69,65 gradus sharqiy uzunlik.
Magnituda M=3,2. Chuqurlik 10 km. Zilzila episentri Toshkentdan 55 km janubiy-sharqda bo‘lgan.