Қайси давлат Россия ва Украина тинчлик шартномаси имзоланишига қарши эканлиги очиқланди
Шунингдек, у Россияга қарши санкциялар босимини янада кучайтирмоқчи.
Буюк Британия Украинанинг РФ билан тинчлик шартномасини имзоламаслигини истамоқда. Бу ҳақда The Times хабар берди.
Унга кўра, Лондон Франция, Германия ва АҚШга нисбатан Россия-Украина музокаралари бўйича қаттиқ позицияда. У Берлин, Париж ва Вашингтон Киевнинг Кремлга ён беришига ундаётганидан хавотирга тушган. Бирлашган қироллик Украинанинг максимал даражада кучли позицияни эгаллагандан сўнг, тинчлик шартномасини имзолашини истамоқда.
Шунингдек, Борис Жонсоннинг Россияга қарши санкциялар босимини кучайтиришга ҳаракат қилаётгани қайд этилган. Жонсон бу сиёсатини РФ қўшинлари бутун Украинани, жумладан Қримни ҳам тарк этгунча давом эттирмоқчи.
Аввалроқ Роман Абрамовичнинг Россия-Украина музокараларидаги роли очиқланганди.
