AQSh prezidenti Donald Trampning ta’kidlashicha, Rossiya urushni tugatishni istaydi, ammo o‘ziga qulayroq shartlar bilan kelishuvga erishish maqsadida vaqtni cho‘zmoqda.
"O‘ylashimcha, Rossiya urushning tugashini istaydi, lekin ular vaqt yutishga harakat qilmoqda. Men ham o‘tmishda shunday qilganman – muzokaralarda shoshilmay, yaxshiroq shartlarga erishish uchun vaqt cho‘zganman. Ammo buni aniq ishonch bilan ayta olmayman. Shunga qaramay, Rossiya urushni tugatishni xohlayotganini o‘ylayman va hozir ham shuni istaydi", – dedi Tramp Newsmax telekanaliga bergan intervyusida.