Joriy yilning 4 oktyabr kuni soat 23:20 atrofida Pastdarg‘om tumani “Iskandari” MFY hududidan o‘tuvchi 4R46 avtomobil yo‘lida YTH sodir bo‘lgan.
Ushbu yo‘l-transport hodisasi Zil yuk avtomashinasi va Jiguli transport vositalari o‘rtasida yuz bergan.
Aniqlanishicha, Zil avtomobili qayrilish mumkin bo‘lmagan joydan qayrilib, to‘g‘ridan kelayotgan Jiguli avtomobilini o‘tkazib yubormagan. Oqibatda Jiguli haydovchisi olgan tan jarohatlari sabab voqea joyida vafot etgan.
Hozirda Pastdarg‘om tumani Tergov bo‘linmasi tomonidan tergov ishlari olib borilmoqda.