Samarqandda Labo urib ketgan velosipedchi bola vafot etdi. Bu haqida viloyat IIB JXX YHXB matbuot xizmati xabar berdi. Qayd etilishicha, 23 iyul kuni soat taxminan 14:00 larda haydovchi Labo rusumli avtomobilini boshqarib kelayotib, yo‘lning qatnov qismidan harakatlanib kelayotgan voyaga yetmagan velosipedchini urib yuborib, YTH sodir qilgan.
Oqibatda, voyaga yetmagan velosipedchi tan jarohatlari bilan shahar shifoxonasiga yotqizilgan. Shifokorlar tomonidan olib borilgan muolajalarga qaramay, bola shifoxonada vafot etgan.
"Bolani kelayotgani ko‘rmay qoldim. Shifokorlardan xushyor bo‘lishlarini so‘rab qolaman. Velosiped haydovchilaridan ham xushyorlikni so‘rayman. Qilgan ishimdan pushaymonman", — dedi Labo haydovchisi.
Ma’lumotlarga ko‘ra, YTHning asosiy sababi voyaga yetmagan bola qarovsiz ko‘chaga chiqqanligi va haydovchining ehtiyotsizligi. Hozirgi kunda holat yuzasidan surishtiruv ishlari olib borilmoqda.