Qurilish va uy-joy kommunal xo‘jaligi vazirligining maʼlum qilishicha, endi Shaharsozlik Kengashi tomonidan berilgan va amaldagi normalarga zid ravishda tasdiqlangan kengash xulosalari Vazirlar Mahkamasining 496-sonli qaroriga asosan bekor qilinadi. Bu qurilishda kelib chiqadigan turli nizolar sudga qadar hal etiladi, degani.
Eslatib o‘tamiz, joriy yilning 23 sentyabr kuni Prezident Shavkat Mirziyoyev raisligida qurilish industriyasi va qurilish materiallarini ishlab chiqarishni yana-da rivojlantirish chora-tadbirlari yuzasidan o‘tkazilgan videoselektor yig‘ilishida har bir viloyatda tashkil qilingan Shaharsozlik kengashlari faoliyati bo‘yicha ham eʼtirozlar ko‘pligini aytgandi.
Shuningdek, noqonuniy qurilishlar bo‘yicha mahalla raislari va jamoatchilik nazorati kuchaytirilishi alohida taʼkidlangan edi.