СМС орқали танишиб бахтли яшаб келаётган жуфтлик
Эр-хотин ҳаётда бахт кутилмаган жойдан келиши мумкинлигига ишонади.
Донован ва Кирсти Ширс бутунлай тасодифан танишишган. Мобил телефонларнинг илк даврида фотосурат юбориш имконияти бўлмагани сабабли, ёшлар ўзларини матн орқали тасвирлашга мажбур бўлишган.
Донован Ширс 1998 йилда 18 ёшга тўлганида илк мобил телефонини совға сифатида олган. Ўша даврда ижтимоий тармоқлар мавжуд эмас эди, шунинг учун одамлар вақт ўтказишнинг ўзига хос усулларини излаганлар.
Донован шунчаки тасодифий рақамга «Салом» деган оддий хабарни юборишга қарор қилади. Тез орада унга Кирсти исмли аёл жавоб қайтаради. У Донован яшайдиган ҳудуддан 160 километр узоқда яшаган.
"Мен бу хабарни ўзим рақамимни берган одамдан келган деб ўйладим. Шунчаки: ЪСалом, бу ким?ʼ деб жавоб бердим", — деб эслайди Кирсти.
Шундан сўнг, бўлажак жуфтлик мунтазам ёзиша бошлайди. Улар ўртасида сурат алмашиш имконияти бўлмагани сабабли, ташқи кўринишларини фақат матн орқали тасвирлаб беришларига тўғри келган.
"Мен ундан қандай кўринишда эканлигини сўрадим. У эса бўйи 198 см эканлигини айтди. Мен эса ЪРостдан ҳам шундай бўлиши мумкинми?ʼ деб ўйладим. Ва ҳақиқатдан ҳам, эрим жуда баланд бўйли, у мени алдамаган экан", — дейди Кирсти.
Олти ой давом этган ёзишмалардан сўнг, Донован ва Кирсти ниҳоят шахсан учрашишга қарор қилишади. Донован уни кечки овқатга таклиф қилади. Ушбу учрашув уларнинг севги ҳикоясининг бошланишига айланган.
2002 йилда жуфтлик турмуш қуриб, бахтли ҳаёт кечира бошлайди. Ҳозирда уларнинг икки фарзанди бор: тўққиз ёшли ўғли Стирлинг ва олти ёшли қизи Алора. Эр-хотин ҳаётда бахт кутилмаган жойдан келиши мумкинлигига ишонишади.
"Кирсти ажойиб аёл, у жуда ақлли, биз бир-биримизни жуда яхши тушунамиз. У менинг энг яқин дўстим", — дейди Донован.
Комила Одилова тайёрлади
