Surxondaryo viloyati Jarqo‘rg‘on tumanida yashovchi 36 yoshli ayol 7 kunlik chaqalog‘ini 62 million so‘mga sotmoqchi bo‘lganda qo‘lga olindi.
Ayol olti nafar farzandning onasi bo‘lib, chaqalog‘ini sotish orqali pul ishlashga harakat qilgan. Huquq-tartibot idoralari xodimlari uni pulni olayotgan paytda ashyoviy dalillar bilan qo‘lga olgan.
Sud ayolni O‘zbekiston Respublikasi Jinoyat kodeksining 135-moddasi 3-qismi “a” bandi (O‘n sakkiz yoshga to‘lmagan shaxsga nisbatan odam savdosi) bo‘yicha aybdor deb topdi va unga 3 yil ozodlikdan mahrum qilish jazosi tayinlandi.