Facebook va Instagramʼga egalik qiluvchi Amerikaning Meta kompaniyasi tomonidan Twitterga asosiy raqobatchi sifatida ishga tushirilgan Threads matnli xizmati data.ai tahliliy platformasi maʼlumotlariga ko‘ra, O‘zbekistondagi App Storeda eng ko‘p yuklab olingan ilovaga aylandi.
Statistikaga qaraganda Threads ijtimoiy tarmog‘i o‘zbekistonlik App Store foydalanuvchilari orasida Telegram, Instagram va boshqa bir qator ilovalarni yuklab olishlar soni bo‘yicha ortda qoldirgan. Meta direktori Mark Sukerbergning aytishicha, Threads foydalanuvchilar orasida tez mashhurlikka erishmoqda. Uning taʼkidlashicha, mazkur xizma ishga tushirilgan birinchi kunning o‘zidayoq 30 milliondan ortiq kishi ro‘yxatdan o‘tdi.
Maʼlumot uchun, Threads Twitterga o‘xshash interfeysga ega bo‘lib, yangi xizmat 500 ta belgigacha bo‘lgan xabarlarni, shuningdek, 5 daqiqagacha bo‘lgan fotosuratlar va videolarni joylashtirish imkonini beradi.