Кредит эвазига iPhone 17 Pro Max: Фарғонада ҳоким ёрдамчиси ушланди
У фуқарога банкдаги танишлари орқали кредит чиқариб беришни ваъда қилган.
Фарғона вилоятининг Бешариқ туманида ҳоким ёрдамчиси 150 млн сўмлик кредит ажратилишига ёрдам бериш эвазига пора олаётганида ушланди. Бу ҳақда Бош прокуратура ҳузуридаги Департамент хабар берди.
Маълум қилинишича, Департаментнинг Бешариқ тумани бўлими ва бошқа ҳуқуқни муҳофаза қилувчи органлар ходимлари ҳамкорлигида тезкор тадбир ўтказилган.
Унда «Қўрғонча» маҳалласида ҳоким ёрдамчиси лавозимида ишловчи Д.Х. фуқаро М.Я.га тижорат банкида ишлайдиган танишлари орқали 150 млн сўм миқдорида кредит ажратилишига ёрдам беришни ваъда қилган. Бунинг эвазига у фуқародан «iPhone 17 Pro Max» русумли телефон олган вақтида ашёвий далиллар билан ушланган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилган. Ҳозирда тергов ҳаракатлари олиб борилмоқда.
