Ijtimoiy tarmoqda Toshkent aeroportida 37 yoshli ayol hushidan ketib, vafot etgani haqida xabarlar tarqalgandi. Bosh prokuratura matbuot xizmati dastavval bu xabarni rad etib, keyinroq ayolning vafot etganini rasman tasdiqladi.
Olingan so‘nggi maʼlumotlarga ko‘ra, Toshkent shahrining Chilonzor tumanida yashagan ayol Dubay-Toshkent aviareysida uchib kelib, sog‘ligi yomonlashganligi sababli Chilonzor tumanida joylashgan RSHTYOIMga olib kelingan.
Tibbiy reanimatsion muolajalarga qaramasdan, ayolda biologik o‘lim holati qayd etilgan. Marhumaning o‘limi sababini aniqlash maqsadida sudga oid tibbiy ekspertiza tayinlangan.
Hozirda prokuratura tomonidan tergovga qadar tekshiruv harakatlari olib borilmoqda.