22-yanvar kuni respublikaning ayrim hududlarida kuchli qor yog‘ishi kuzatilmoqda. Shu munosabat bilan Toshkentdan Termizga uchgan «Silk Avia» aviakompaniyasining US-751 reysi ob-havo sharoiti sababli ortga qaytishga majbur bo‘ldi.
Samolyot Islom Karimov nomidagi Toshkent xalqaro aeroportiga muvaffaqiyatli qaytarilgan.
Avvalroq Toshkent–Vladivostok yo‘nalishida parvoz qilayotgan «O‘zbekiston havo yo‘llari» aviakompaniyasiga tegishli Boeing 767-300 samolyoti texnik nosozlik tufayli Krasnoyarskdagi D.A. Xvorostovskiy nomidagi xalqaro aeroportga favqulodda qo‘nganligi haqida xabar berilgan edi.