Тошкентда метролар кечикаётгани айтилди
Ҳолат бўйича расмийлар тушунтириш берди.
Ижтимоий тармоқларда пойтахтда метро йўналишларида поездлар узоқ вақтда келаётгани айтилган хабарлар тарқалди. Ҳолат юзасидан Тошкент метрополитени муносабат билдирди.
Қайд этилишича, 19 сентябрь куни 18:15 ларда Тошкент бекатига кириб келган 37-сонли ҳаракат таркибидаги йўловчилардан бирининг тоби қочган ва ушбу йўловчи вагондан бекатга олиб чиқилиб, тегишли тартибда ёрдам чоралари кўрсатилган. Бунинг натижасида ушбу ҳаракат таркиби йўналишда белгиланган жадвалдан 2 дақиқа кеч қолиб ҳаракатланган.
“Ҳозирги вақтда ушбу йўналишда поездлар белгиланган жадвалга асосан ҳаракатини амалга оширмоқда”, — дейилади хабарда.
