Xabaringiz bor, koronavirusning yangi shtammi O‘zbekiston hududiga Dubaydan kelgan xorij fuqarosida aniqlangan va u bilan muloqatda bo‘lgan barcha fuqarolar 14 kunlik karantinga olindi.
Mazkur epidimiologik vaziyatda kam taʼminlangan, imkoniyati cheklangan va boquvchisini yo‘qotgan shaxslarga har tomonlama modiy va maʼnaviy ko‘mak berish ko‘zda tutilgan.
Koronavirus bilan zararlanishi yoki zararlangan deb gumon qilinishi oqibatida karantinga olingan ota-onalar (ular o‘rnini bosuvchi shaxslar, vasiylar, homiylar), shuningdek, ularning 14 yoshgacha bo‘lgan bolasini parvarish qilayotgan shaxslarga o‘rtacha oylik ish haqining 100 foizi miqdorida vaqtincha mehnatga qobiliyatsizlik nafaqasi to‘lanadi
Shu bilan birga koronavirus bilan zararlanib, karantinga joylashtirilgan 14 yoshga to‘lmagan bolaning ota-onasi (uning o‘rnini bosuvchi shaxslar, vasiylar, homiylar) bo‘lgan xodimlar bilan mehnat shartnomalarini ish beruvchining tashabbusi bilan bekor qilish taqiqlanadi.
Eslatib o‘tamiz, avvalroq O‘zbekistonda Covid-19 bilan bog‘liq chatbot ishga tushgani hamda nogiron farzandi bor onalarga pensiyaga chiqishida qanday imtiyozlar belgilanganligi haqida xabar berilgandi.
Cho‘lponoy Ahmedova