O‘zbekiston prezidenti Shavkat Mirziyoyev tomonidan Xalqaro O‘zbeklar kunini belgilash taklifi ma’qullandi. Bu tashabbusni AQShdagi O‘zbekiston elchisi Furqat Sidiqov xorijdagi vatandoshlar iltimosini prezidentga yetkazish orqali ilgari surdi.
Yig‘ilishda davlat rahbari AQShda, xususan Nyu-York va Vashington shaharlarida mahalla va choyxonalar tashkil etish zarurligini ta’kidladi. Prezidentning so‘zlariga ko‘ra, bu loyihalar vatandoshlar uchun qulay makon yaratib, ularning g‘urur-iftixorini oshiradi.
Furqat Sidiqovning qayd etishicha, u O‘zbekiston elchisi sifatida oxirgi ikki yil ichida AQSh rahbarlari va kongressmenlar bilan samarali muloqot olib borib, 2000 ta ish o‘rinlari yaratildi, shuningdek, to‘rtta savdo uyi ochildi. Shu bilan birga, Xalqaro O‘zbeklar kunini butun dunyoda elchixonalar orqali nishonlash rejalashtirilmoqda.
Bundan tashqari, Sidiqov Amerika kompaniyalari O‘zbekistonning IT-parklari va IT-kompaniyalari bilan hamkorlik qilishga qiziqish bildirayotganini ma’lum qildi. Ushbu tashabbus xorijdagi vatandoshlar bilan aloqalarni mustahkamlash va O‘zbekiston madaniyatini global maydonda targ‘ib qilishga xizmat qiladi.