Хитой етакчиликка қайтган сари глобал мувозанат ўзгармоқда — Орбан
Хитойнинг етакчи ўринларга кўтарилиши туфайли дунё «тектоник ўзгаришларга» дуч келмоқда, деди Венгрия бош вазири Виктор Орбан.
Венгрия бош вазири Виктор Орбаннинг сўзларига кўра, Хитойнинг ишлаб чиқариш қуввати аллақачон АҚШдан ўтиб кетган ёки «айни дақиқаларда ўтиб кетмоқда». Бош вазирнинг сўзларига кўра, автомобилсозлик саноати, компьютерлар, яримўтказгичлар, дори воситалари, IT-технологиялар – «буларнинг барчасида Хитой ҳозир дунёдаги энг кучлиси».
Виктор Орбаннинг қўшимча қилишича, Хитой саноат ва технологик инқилоб йўлини 30 йилда, Ғарб эса 200 йилда босиб ўтди.
«Глобал мувозанатда биз ҳозир яшаётганимиздек тез ва тектоник ўзгаришлар ҳеч қачон бўлмаган ... Аслида, биз беш минг йиллик цивилизациянинг қайтиши ҳақида кетяпмиз, бир миллиард ва тўрт юз минг киши», — дейди Орбан.
Эслатиб ўтамиз, аввалроқ АҚШ президенти Жо Байден АҚШ ҳукумати Хитой билан зиддият ёки қарама-қаршиликка интилмаётганини ва ҳамкорликка тайёр эканлиги ҳақида айтганди. Шунингдек, у Вашингтон Пекин билан қаттиқ рақобатга тайёр эканини ҳам таъкидлаб ўтганди.
