Xitoy Xalq Ozodlik Armiyasi o‘z harbiy qudratini shu darajada kuchaytirdiki, u istalgan vaqtda harbiy harakatlarga kirishishga tayyor holga kelgan. Bu holat ayniqsa Tayvan atrofida keskinlikni oshirmoqda. Bu haqda Financial Times nashri harbiy manbalar va ekspertlarga tayanib xabar bermoqda.
Tayvanning yuqori lavozimli rasmiylari xabarlariga ko‘ra, Xitoy harbiy-havo kuchlari va raketa bo‘linmalari “tinchlikdan urush holatiga o‘tishga” tayyor darajada rivojlangan. Ma'lumotlarga ko‘ra, Pekin hozirda Tayvan bo‘g‘ozidagi kirish portlari yaqinida amfibiya qo‘shinlarini uzluksiz mashq qildirayotgani, havo kuchlarining jangovar tayyorgarligini doimiy ravishda sinovdan o‘tkazayotgani va orolga istalgan nuqtada zarba bera oladigan raketa tizimlarini faol sinayotganini kuzatish mumkin.
Tahlilchilarning fikricha, bu harbiy tayyorgarliklar nafaqat Tayvan uchun, balki AQSh boshchiligidagi G‘arb davlatlari uchun ham jiddiy xavotir uyg‘otmoqda. Xitoy esa bunday harakatlarini o‘z hududiy yaxlitligini ta’minlash deb atamoqda.