Европанинг кузги саёҳатлар учун энг арзон 5 та давлати
Бу бўйича мутахассислар рўйхат эълон қилишди.
Мутахассислар Европанинг кузги саёҳатлар учун энг арзон бешта давлати рўйхатини тузишди. Рейтинг Travel off Path томонидан тайёрланган.
Биринчи ўринда Албания. Кичкина Болқон мамлакати ўзининг тоза пляжлари ва ноёб маданий мероси билан сайёҳларни ўзига жалб қилади. Шу билан бирга, Албаниядаги меҳмонхонада тунашнинг ўртача нархи 49 долларни ташкил этади, беш юлдузли меҳмонхонада тунаш эса ўртача 81 долларга тушади. 10 долларга эса тушлик қилиш мумкин.
Полша иккинчи ўринни эгаллади. Мамлакатдаги кафеларда сиз 2 дан 4 долларгача бир чашка қаҳва ичиш мумкин. Ресторанда тушлик 4 дан 8 долларгача тушади. Меҳмонхонада бир кечанинг ўртача нархи 54 долларни ташкил қилади.
Рўйхатда учинчи ўринда Латвия бўлиб, у ерда 23 долларга икки киши овқатланиши мумкин. Бир кеча учун фақат 64 доллар тўлашингиз керак.
Рейтингда тўртинчи ўринни кўплаб меъморий ёдгорликлар, готика меъморчилиги ва улкан термал ванналар билан Венгрия эгаллаган. Венгриядаги меҳмонхона хонасининг ўртача нархи бир кеча учун 64 доллар, кофе 1,50 доллар, яхши ресторанда мазали тушлик эса тахминан 10 долларни ташкил қилади.
Рўйхатни охирги ўрнидан Руминия жой олган. Руминияда меҳмонхона хонасининг ўртача нархи 50 долларни ташкил қилади. Тушлик эса бир кишига ўртача 12 долларга тушлик қилишингиз мумкин.
