Аёллар футболи. Ёш қизларимиз мезбон Тожикистон билан дуранг ўйнашди, эронликларни эса мағлуб этишди

Айни пайтда Тожикистон пойтахти Душанбе шаҳрида ўсмир қизлар (U-17) ўртасида Марказий Осиё жамоалари ўртасида «CAFA U17 Womenʼs Championship 2021» халқаро турнири давом этяпти.

Эрон, Қирғизистон, Тожикистон, Aфғонистон ва вакилларимиз иштирок этаётган мусобақада иккита тур ўйинлари бўлиб ўтди. Илҳом Ханжариев устозлик қилаётган Ўзбекистон терма жамоаси дастлаб майдон эгаларига қарши кураш олиб борди. Республика «Марказий» стадионида ўтган баҳсда жамоалар 1:1 ҳисобидаги дуранг натижа қайд этишди. Жамоамизнинг ягона голига Лейла Рустуллаева муаллифлик қилди. Иккинчи турда терма жамоамизга мусобақа фаворитлари ҳисобланган Эрон вакиллари рақиблик қилди. Учрашувда терма жамоамиз муваффақият қозонди. Лейла Рустуллаева томонидан киритилган иккита гол якунда терма жамоамизга ғалаба олиб келди.

Вакилларимиз сўнгги учрашувни эртага, афғонистонликларга қарши ўтказишади.

1-тур. 3 июль

Ўзбекистон – Тожикистон – 1:1

Голлар: Лейла Рустуллаева (45) - Умида Жалилова (80)

2-тур. 5 июль

Эрон – Ўзбекистон – 0:2

Голлар: Лейла Рустуллаева (40, 73)

3-тур. 7 июль.

Ўзбекистон – Aфғонистон.