Яна бир ўзбек футболчиси «Женоа»га ўтиши мумкин
Россиялик инсайдер Нобель Арустамяннинг хабарига кўра, «Женоа» клуби Ўзбекистон терма жамоаси ва «Пахтакор» футболчиси Иброҳимxалил Йўлдошевни ўз сафига қўшиб олмоқчи.
20 ёшли ҳимоячининг трансфери шу ёзда амалга ошиши мумкин. Музокара билан ProSportManagement ва Валерио Жуффрида шуғулланади. Айнан улар Шомуродовнинг «Женоа»га ўтиши билан шуғулланган эди.
Агар Йўлдошев Италияга ўтмоқчи бўлса, 2021/22 йилги мавсумни «Сьон»да ўтказишига тўғри келади. Италияга Европа Иттифоқига кирмайдиган мамлакатлардан келадиган легионерлар билан боғлиқ шартлардан бири. «Женоа» раҳбарияти Йўлдошевнинг Швейцарияда ўтказадиган бир мавсуми ўзи учун фойдали бўлади деб ҳисоблайди — Европага мослашади, тилни мукаммал ўрганиб, 2022 йилда Генуяга ташриф буюради.
«Женоа» Элдор Шомуродовни сотишни режалаштирмаяпти. Раҳбарият яна ярим йилда футболчининг нархи ошишини тахмин қиляпти.
Иброҳимxалил Йўлдошев жорий мавсум «Пахтакор» сафида 11 та ўйинда майдонга тушиб, 2 та гол урди.
Элдор Шомуродов 2020/21 йилги мавсум А Серияда 31 ўйинда майдонга тушиб 8 та гол ва 1 та голли узатмани амалга оширди.
