Aнглияда футболчиларни ирқий камситганлар стадионларга қўйилмайди
Бу ҳақда Буюк Британия Бош вазири Борис Жонсон билдирди.У ижтимоий тармоқларда футболчиларни ҳақорат қилганларга нисбатан чора кўрилишини айтди: «Биз футболчиларни ижтимоий тармоқларда ирқий камситган, ҳақорат қилганларга нисбатан кескин чоралар кўрамиз. Бундай шахсларни футбол учрашувлари томошаси учун стадионларга киритмаймиз».
Эслатиб ўтамиз, инглиз мухлислари Евро-2020 финалида Италияга бой берилган мағлубиятдан сўнг пенальтилар сериясида хатога йўл қўйган Санчо, Решфорд ва Сакани ижтимоий тармоқларда ҳақорат қилганди. Шунингдек, мухлислар ярим финал ва плей-оффнинг бошқа босқичларида рақиб жамоалар мадҳияси ижроси пайтида ҳуштакбозлик уюштирганди.
