Мессининг маоши тенг ярмига қисқарди
“Барселона” раҳбарияти жамоа етакчиси Лионель Месси билан янги шартнома бўйича келишувга эришди. Томонлар ҳамкорликни беш йилга узайтирадиган бўлди. Аввалроқ, аргентиналик ҳужумчи яна икки мавсум ўйнаши режалаштирилган эди. Бироқ, Месси клуб хўжайинларини юқори савияда яна беш йил ўйнай олишига ишонтирди.
Ўз навбатида, Лео маошининг тенг ярмига қисқартирилишига рози бўлди. У биринчи навбатда, клубнинг молиявий қийин аҳволда эканини инобатга олди ва жамоадошларига шахсий намуна кўрсатишга қарор қилди.
“Барселона” Месси билан шартнома тузганлигини июль ойининг охирида расман эълон қилмоқчи.
