“Ўйиним ва голларим билан нималарга қодирлигимни исботлаб қўйганман”- Криштиану Роналду

 

 

Инглизларнинг етакчи ҳужумчиси Ҳарри Кейннинг Криштиану Роналдуни танқид қилганини кўпчилик мағлубият аламига йўймоқда: “Роналду бекорга ўзини дунёнинг энг зўр футболчиси, деб ҳисоблаяпти. Мен шуни аниқ биламанки, бошқа мамлакатларни инобатга олмаган ҳолда, Англиянинг ўзида Роналду ва Мессидан анча яхши ўйнайдиган футболчилар бор”, - деди Ҳарри Кейн.

 

Криштиану Роналду эса инглиз ҳужумчисининг танқидига босиқлик билан, лекин Кейнга етарлича зарба бўладиган даражада жавоб қилди. Хусусан, у Англия термасини финалгача етиб келганини тасодиф деб, италияликларни қитъа чемпионатидаги ғалаба билан табриклади. Шунингдек, Ҳарри Кейнга қуйидагича жавоб қайтарди: “Кейннинг гапига жавобим шуки, мен ўзимни зўрман, демаганман. Мен учун кўрсаткичларим гапиради. Жамомиз Европа чемпионатини нимчорак финалдан тарк этганига қарамай, мен энг яхши тўпурар бўлдим . Ичиқоралар нима дейишидан қатъи назар, ўз ўйиним ва голларим билан нималарга қодирлигимни исботлаб қўйганман. Мен терма жамоам билан Миллатлар лигаси ва Европа чемпионатида ғолиб чиқдим. Англия эса узоқ йиллардан бери бирор нимани уддалай олгани йўқ. Кейн ҳали Лионель Мессининг даражасидан анча узоқда. У айтган гаплар Ҳаррининг ожизлигидан далолат беради. Агар Англия чемпион бўлганида, у бизга осилмаган бўларди”- деди Криштиану Роналду.