«Иштиёқим сўнди» — Оксана Чусовитина Токио Олимпиадасида Ўзбекистон байроқдорларининг ўзгартирилиши ҳақида
Қайд этиш жоиз, аввалроқ Миллий олимпия қўмитаси матбуот хизмати Олимпиада очилиш маросимида Ўзбекистоннинг икки байроқдоридан бири Оксана Чусовитина бўлишини эълон қилинганди. Иккинчиси эса бокс бўйича терма жамоа аъзоси Бобоусмон Ботуров бўлиши лозим эди.
Ўзбекистонлик гимнастикачи Оксана Чусовитина Токиодаги Олимпия ўйинлари бошланишига бир кун қолганда Ўзбекистон байроқдорлари ўзгаришига муносабат билдирди.
«Нега ўзгариш бўлгани ҳақида менга ҳеч ким изоҳ бермади, мен бормаслигимни айтишди, холос. Иштиёқим сўнди. Бундай қилиш керак эмас. Шунчаки тушунтириш мумкин эди, ахир ҳаммамиз одаммиз, тушунамиз», — дея Чусовитинадан иқтибос келтиради «Sputnik Uzbekistan».
Қайд этиш жоиз, аввалроқ Миллий олимпия қўмитаси матбуот хизмати Олимпиада очилиш маросимида Ўзбекистоннинг икки байроқдоридан бири Оксана Чусовитина бўлишини эълон қилинганди. Иккинчиси эса бокс бўйича терма жамоа аъзоси Бобоусмон Ботуров бўлиши лозим эди.
Эслатиб ўтамиз, бу Оксана Чусовитина учун фаолиятидаги саккизинчи Олимпиада ўйинлари ҳисобланади. Спортчи Токиодаги Олимпиададан сўнг фаолиятини якунлашини айтиб ўтган.
