Боргохаиннинг ғалабаси бутун мамлакатда катта байрамга айланиб кетди. Хусусан, Ҳиндистон президенти Рам Натҳ Ковинд ўзинингTwitter’даги саҳифасида боксчини тарихий ғалаба билан табриклади.

Боргохаин Ҳиндистоннинг шимоли-ғарбий қисмида жойлашган Ассам вилояти Баромухия  қишлоғида яшайди. Бу ҳудудга олиб борадиган ягона йўл қумликлардан иборат. Маҳаллий аҳолининг сўзларига кўра, ёмғир ёғганида йўл лойга айланиб, ҳатто транспорт билан ҳам ҳаракатланиб бўлмай қолади.

“Баъзида йўл чуқурларга тўлиб кетарди. Фарзандларим билан мототциклда қайтмоқчи бўлсак, ҳаракатдан тўхтаб пиёда юришимизга тўғри  келарди”, – дея хотирлайди Ловлинанинг отаси Тикен Боргохаин. “Қизимнинг ғалабаси қишлоғимиз учун буюк инъом”.

Эндиликда ҳукумат вакиллари ташаббуси билан 3,5 километрлик йўлга асфальт ётқизилмоқда. 

“Биз унинг Токиодан қайтишига ҳамма нарсани тайёр қилиб қўймоқчимиз”, –  дейди Ҳиндистон парламенти аъзоси Бисвожит Пхукан тҳе Ҳиндустан Тимес нашрига берган интервьюсида.

Эслатиб ўтамиз, Ловлина 6 август куни бронза учун бўлиб ўтган баҳсда тайванлик боксчи Чен Нян Син устидан 4:1 ҳисобида ғалаба қозониб, Ассам бокс мактабига тарихда биринчи медални олиб берди. Ҳозирда унинг қишлоғи меҳмонлар ва журналистлар билан тўлиб-тошган. Бутун қишлоқ унинг қайтишига тайёргарлик кўряпти.