Европа супер кубоги бу гал кимга насиб этади? Унга бугун гувоҳ бўламиз
Бугун Европа супер кубоги учун амалдаги Европа лигаси ғолиби «Вильяреал» ҳамда чемпионлар лигаси ғолиби «Челси» клублари ўзаро баҳс олиб боради.
Ўтган мавсум футбол бўйича UEFА чемпионлар лигаси финалида «Челси» жамоаси ягона гол эвазига «Манчестер Сити»ни мағлуб этиб, ўз тарихида ушбу мусобақада иккинчи марта чемпион бўлган эди.
“Вильяреал» эса Европа лигаси финалида «Манчестер Юнайтед»ни пенальтилар сериясида 11:10 ҳисобида енгиб, чемпионликни қўлга киритганди.
Эслатиб ўтамиз, «Челси» ва «Вильяреал» жамоалари ўртасидаги ўйин бугун Тошкент вақти билан 23:55 да бошланади.
Жамшид Амиров
