Зубайра Тухугов билан Рикардо Рамос ўртасидаги жанг муддати маълум бўлди
UFC'нинг енгил вазн тоифасидаги Зубайра Тухугов билан бразилиялик Рикардо Рамос ўртасидаги жанг шу йилнинг 30 октябрида ўтказиладиган бўлди.
Шунингдек, шу кунги UFC 267 турнирида Ҳамзат Чимаев, Шамил Гамзатов, Ислом Махачев, Тагир Уланбеков, Александр Вол каби жангчилар ҳам майдонга тушади.
Тухугов ўтган йил иккита жанг ўтказди: февралда Окленд (Янги Зеландия) да бўлиб ўтган тўқнашувда Кевин Агиларни муддатидан олдин мағлуб этган бўлса, сентябрь ойида Ҳаким Даводга ютқазиб қўйди. У бугунги кунгача UFCда еттита жанг ўтказган. Уларнинг тўрттасида ғалаба қозонган, иккитасида имкониятни бой берган. Биттаси дуранг натижа билан якунланган.
Эслатиб ўтамиз, Tухугов ва Рамос ўртасидаги жанг март ойида бўлиб ўтиши керак эди, бироқ Зубайранинг жароҳати туфайли баҳс қолдирилганди.
Мурод Баҳодиров
