Расман: Сречко Катанец — Ўзбекистон миллий жамоаси бош мураббийи
Словениялик мутахассис Сречко Катанец Ўзбекистон миллий терма жамоасига бош мураббий этиб тайинланди. Бу ҳақда ЎФА матбуот хизмати маълум қилди.
Сречко Катанец билан 2025 йилгача мўлжалланган шартнома имзоланди.
Катанец мураббийлик фаолияти давомида Македония, БАА, Словения ва Ироқ миллий жамоаларини бошқарган. Словенияни илк бор Жаҳон ва Европа чемпионатларига олиб чиққан.
Катанецга 5 нафар хорижлик мутахассис ёрдам беради. Алеш Чех ва Владо Радманович — ёрдамчи мураббийлар. Мартин Магистер футболчиларнинг жисмоний тайёргарлигига жавобгар бўлади. Ниҳад Пейкович эса дарвозабонлар мураббийи сифатида фаолият олиб боради. Шунингдек, штабдан физиотерапевт Иан Катанес ўрин олган.
Аввалроқ футбол бўйича Ўзбекистон миллий терма жамосига ким мураббий бўлиши мумкинлиги тўғрисида хабар бергандик.
