Роналду «Гиннес рекордлар китоби»га кирди

 

 

У терма жамоа миқиёсида энг кўп гол урган футболчи сифатида бу натижани қайд этди.

 

Футболчи Instagram саҳифасида: «Гиннес рекордлар китобига раҳмат. Дунё рекордчиси сифатида тан олиниш ҳар доим ёқимли. Келинг, саёҳатни давом эттирамиз ва бундан катта марраларни забт этишга ҳаракат қиламиз»,- дея, «Гиннес рекордлар китоби» сертификати билан тушган расмини жойлади.

 

Маълумот учун, «КриРа» ЖЧ-2022 саралаши доирасидаги Ирландияга қарши баҳсда дубль қайд этиб, Португалиянинг устунлигини таъминлади. Шу тариқа Роналду терма жамоаси учун халқаро миқиёсда 111 та гол киритиб, рақиблар дарвозасини 109 бор ишғол этган Эронлик Али Даининг рекордини янгилади.

 

Эслатиб ўтамиз, аввалроқ Криштианунинг «Олтин тўп»ни ютмоқчи эканлиги ҳақидаги хабарни бергандик.

 

 

Мақсаджон Обиджонов