Массимилиано Аллегри: “Натижалар ўйинларимиз даражасига тўғри келмаяпти”

 

 

«Ювентус» бош мураббийи Массимилиано Аллегри «А Серия»нинг 4-туридан ўрин олган «Милан»га қарши ўйин олдидан ўз фикрини билдирди.

 

“Жамоа бундан ҳам кўпроқ очко тўплаши мумкин эди. Натижалар ўйинларимиз даражасига тўғри келмаяпти.

 

Келаси ўйинга тўхталадиган бўлсак, таркиб борасида ҳали бир қарорга келганимча йўқ, чунки танаффусга қадар бизда жуда кўп ўйин бор. Буни кейинроқ ҳал қилмоқчимиз. Негаки, барча футболчилар жамоага ёрдам беришга тайёр эканлигини ҳис қилиши муҳим.

 

Учрашувда майдонга тушиши сўроқ остида бўлган футболчилардан бири бу Федерико Кйеза. У майдонда максимал даражада ҳаракат қилади, бундан яхшироғини ҳам уддалаши мумкин. Кйеза майдонни яхши ҳис қилади, ўйинларни бошқаришда қобилиятга эга. Майдон бўйлаб ҳаракатлана олади.

 

Футболчилар асосан мавсум бошида йиғилди ва бир-бирига мослашмоқда.

 

«Милан» Чемпионлар лигасида ажойиб ўйин намойиш этди. Эртага бизни супер ўйин кутмоқда. «Ювентус» ва «Милан» тўқнашуви ҳар доим шундай бўлган. Умид қиламанки, яхши натижа қайд этамиз”, — дейди туринликлар  бош мураббийи.

Маълумот учун: ушбу баҳс 19 сентябрь куни «Ювентус» майдонида бўлиб ўтади.

 

Эслатиб ўтамиз, бундан аввал Аллегрининг Роналдуни кетиши ҳақида билдирган фикрларини тақдим этган эдик.

 

Мақсад Обиджонов