2020/2021 йилги мавсум «Олтин бутса» соврини  эгаси аниқ бўлди

 

 

Германиянинг «Бавария» клуби ҳужумчиси Роберт Левандовски ҳар йили Европанинг энг яхши тўпурарига бериладиган «Олтин бутса» совринини қўлга киритди.

 

Мюнхенликлар вакили ушбу мавсум Бундеслигада 41 та гол киритди ва Германияда Герд Мюллердан кейин ушбу совринни қўлга киритган иккинчи футболчи сифатида тарихга кирди.

 

«Мен ушбу юксак совринни қўлга киритганимдан хурсандман. Шу ўринда, мураббийлар шатбига, оиламга, жамоадошларимга ва бутун «Бавария»га миннатдорчилик билдираман. Чунки уларнинг қўллаб-қувватлашисиз бундай натижага эриша олмасдим.  Мухлисларимизга биз билан бирга бўлганликлари учун ташаккур билдираман», - дейди Левандовски

 

Маълумот учун: ўтган мавсум «Олтин бутса» совринини «Лацио» футболчиси Чиро Иммобиле қўлга киритган эди.

 

Эслатиб ўтамиз, бундан аввал «Фиорентина» ҳужумчиси Душан Влаҳович ҳақидаги хабарни тақдим этган эдик.

 

Мақсад Обиджонов