"Энди даражаси бизникидан паст бўлган жамоалар билан халқаро ўқув йиғинлари ташкил этилмайди" — Тўлқин Қиличев

Унда  бир қатор спорт турлари бўйича жамоаларимизнинг иштироки таҳлил қилинди. 

Қайд этиш жоиз, мухлисларимиз боксчиларимиздан Олимпиадада кўпроқ медаль кутишган эди. Бироқ кўп вакилларимизга омад кулиб боқмади. Бунга терма жамоа катта мураббийи Тўлқин Қиличев қуйидагича изоҳ берди:

“Бизнинг Олимпиада бўладиган мамлакатга 20 кун олдин  бориб, у ернинг иқлимига мослашиш методикамиз Токиода  ўзини оқламади. Сабаби, сўнгги йиғин учун биз айнан Токио шаҳрини танлаган эдик. У ерда пандемия туфайли Олимпиададан олдин жуда қаттиқ назорат бўлди. Бизни меҳмонхонадан чиқаришмади. Ажратилган зал, ошхона ва ётоқхонадан ташқарига чиқа олмадик. Боксчиларимиз 20 кун давомида ана шундай шароитда яшаб, руҳий жиҳатдан эзилди. Бу эса, жангларда ўз таъсирини ўтказмай қолмади. Баъзи спортчиларимиз билан ишлашда  камчиликларга ҳам йўл қўйдик. Ҳакамлар муносабати эса барчага маълум”.

Учрашув давомида мураббий энди даражаси бизникидан паст бўлган жамоалар билан халқаро ўқув йиғинлари ташкил этилмаслигини айтди. Шунингдек, олдиндаги йирик мусобақалардан аввал ҳар бир боксчимизнинг тайёргарлигига индивидуал ёндашиш, ҳар ярим йилда вилоятлардаги мураббийларнинг маҳоратини ошириш мақсадида ўқув-семинарлар ташкил этиш, “Париж-2024” Олимпиадасига тайёргарлик давомида илм-фан йўналишидан янада кенг фойдаланиш каби масалалар борасида таклиф ва фикр-мулоҳазалар билдирилди.

Учрашувда бу йил Сербияда ўтадиган жаҳон чемпионатига тайёргарлик масаласи ҳам алоҳида кўриб чиқилди. Федерация мутасаддиларининг сўзига кўра, жамоамиз дунё биринчилигидан аввал сўнгги йиғинни тошкентда Куба билан ўтказади ва шу билан Сербияга йўл олади.

Эслатиб ўтамиз,  аввалроқ Самарқанд шаҳрида Токиода ўтказилган  ёзги Олимпия ва Паралимпия ўйинлари ғолиблари ва иштирокчиларини тақдирлаш маросими бўлиб ўтгани ҳақида маълумот бергилганди.

Муножат Валиева