Олимпия ва Паралимпия ўйинлари совриндорларига Самарқанддан уй совға қилинди
Самарқанд шаҳрида Токиода бўлиб ўтган ёзги Олимпия ва Паралимпия ўйинлари ғолиблари ва иштирокчиларини тақдирлаш маросими бўлиб ўтди. Унда вилоят ҳокими Э.Турдимов қатнашиб, барча олимпиадачиларни эришилган катта муваффақият билан қутлади.
Самарқанддан Олимпиада ўйинларида 10 нафар, Паралимпия ўйинларида эса 4 нафар спортчи иштирок этди. Тадбирда Паралимпия чемпиони Ҳусниддин Норбековга Самарқанд шаҳридан уч хонали, Паралимпия ўйинлари кумуш медаль соҳиби Парвина Самандарова ҳамда дзюдо бўйича Олимпия ўйинлари бронза медали совриндори Давлат Бобоновга эса икки хонали уй калити топширилди.
Аввалроқ Андижон вилояти ҳокими Шуҳратбек Абдураҳмонов давлатимиз раҳбари фармонига асосан «Ўзбекистон ифтихори» фахрий унвони билан тақдирланган, паралимпия чемпиони ва рекордчиси Бобуржон Омоновга Андижон шаҳридаги 16 қаватли янги уйдан 2 хонали квартира совға қилгани ҳақида хабар берилганди.
Жамшидбек Амиров
