Ким Чен Ин ХХР Раиси Си Цзиньпинга миннатдорлик изҳор этди
Ким Чен Ин ўз мактубида КХДР ва Хитой ўртасидаги дўстлик ва ҳамкорлик социализмни ҳимоя қилаётгани ва улуғлаётганидан жуда мамнун эканини айтган.
Шимолий Корея етакчиси Ким Чен Ин ХХР раиси Си Цзиньпинга юборган мактубида КХДР икки мамлакат ўртасидаги ҳамкорлик ва дўстлик, "душман кучлар" тазъйиқларига биргаликда қарши туришга ҳисса қўшгани учун Хитойдан миннатдор эканини изҳор қилди. Бу ҳақда Корея телеграф агентлиги хабар берди.
Ким Чен Ин ўз мактубида КХДР ва Хитой ўртасидаги дўстлик ва ҳамкорлик социализмни ҳимоя қилаётгани ва улуғлаётганидан жуда мамнун эканини айтган. Ким Чен Ин "КХДР ва Хитой ўртасидаги анъанавий дўстлик кундан-кунга ривожланиб боришига ва икки мамлакатнинг биргаликдаги саъй-ҳаракатлари туфайли ўзининг енгилмас ҳаётийлигини тўлиқ намоён этишига" ишонч билдирган.
Аввалроқ, Ким Чен Иннинг синглиси Ким Ё Чжон Жанубий Корея шимолга нисбатан душманлик муносабатини тўхтатса, Пхенян мулоқотга тайёр эканини маълум қилгани ҳақида хабар берилганди.
Насиба Тўхтаева
