Гвардиола: “ПСЖ” фантастик жамоа. Биз кескин ўйинимиз билан вазиятни қўлга олишга ҳаракат қиламиз. Бироқ...
“Манчестер Сити” бош мураббийи Хосеп Гвардиола “ПСЖ”га қарши UEFA чемпионлар лигаси гуруҳ босқичи ўйини олдидан аргентиналик ҳужумчи Лионел Месси ҳақида ўз фикрини билдирди:
“Месси эришган ютуқлар ҳақида гапириш алоҳида мавзу. Умид қиламанки, эртага биз билан бўладиган ўйинда у майдонга тушади. Ўтган мавсум парижликлар билан тўқнаш келган эдик. “ПСЖ” фантастик жамоа. Биз кескин ўйинимиз билан вазиятни қўлга олишга ҳаракат қиламиз. Бироқ ҳозир жамоа сафида Месси бор. Парижликлар бизнинг жиддий рақобатчимиз. Чемпионлар лигасининг гуруҳ босқичидаги мазкур учрашувни интиқлик билан кутяпман”.
Маълумот ўрнида: 28 сентябрь куни Парижда Европа чемпионлар лигаси гуруҳ босқичида “ПСЖ” “Манчестер Cити" билан баҳс олиб боради.
Аввалроқ “ПСЖ” Мессининг маоши ҳақидаги миш-мишларни рад этгани ва “Манчестер Cити” Килиан Мбаппени исталган нархда сотиб олмоқчи эканлиги ҳақида хабар берилганди.
Жамшидбек Амиров
