Ҳинд кино юлдузлари Тошкент халқаро фестивалида
“Ипак йўли дурдонаси” XIII Халқаро Тошкент кинофестивалида бир қатор ҳинд киноси юлдуздари ҳам ташриф буюрадилар. Болливуд юлдузлари кинофестиваль доирасида Тошкент, Самарқанд ва Андижон шаҳарларида ўтадиган ҳинд киноси кунларида иштирок этадилар.
Ҳума Қуреши 1986 йилда Деҳли шаҳрида туғилган. 2008 йилдан бошлаб Мумбай киносаноатида бир қатор машҳур фильмлардан таклифлар олган. Gangs of Wasseypur, Trishna, D-Day, Dedh Ishqiyya сингари ҳинд қильмларида бош ролларни ижро этган.
Адити Рао 1986 йилда Ҳайдаробод шаҳрида туғилган. 2005 йилдан тамил, телугу ва малаялам тилидаги фильмларда роль ижро этишни бошлаган. “Деҳли 6, “Падмавати”, “Рок юлдузи”, “Босс”, “Соҳибжамол” сингари ҳинд фильмларида роль ижро этган.
Кунад Капур 1977 йилда Мумбай шаҳрида туғилган. 2000 йиллардан бир қатор Болливуд фильмларида роль ижро этишни бошлаган. “Санжайпурга хуш келибсиз”, “Хэт-Трик”, “Келинг, рақсга тушамиз1”, “Фариштаанинг йиқилиши”, “заъфарон ранги” сингари ҳинд филбмларида бош ролларни ижро этган. У ўзбек кино мухлисларига “Дон-2” фильмидаги Самир Али орбрази орқали яхши таниш.
Боман Ирани Капур 1959 йилда Мумбай шаҳрида туғилган. 2000 йиллардан бир қатор Болливуд фильмларида роль ижро этишни бошлаган. “Вир ва Зара”, “Уч савдойи”, “Олмос ва рақс”, “Дон-2”, “Дўстлар” сингари ҳинд фильмлари орқали ўзбек кино мухлисларига яхши таниш.
Рандхир Капур 1947 йилда Мумбай шаҳрида, ҳинд киносининг афсонаси Раж Капур хонадонида туғилган. 1970 йиллардан бошлаб, қатор Болливуд фильмларида роль ижро этишни бошлаган. “Икки хўжайин” “Вақт дарёси”, “Қийин танлов”, “Она”, “Супер буви”, “Севимли аёлим учун”, “Умид”, “Уй тўла одам” сингари фильмлада роль ижро этган.
Рича Чадда 1989 йилда Амритсар шаҳрида туғилган. 2000 йиллардан бошлаб, қатор Болливуд фильмларида роль ижро этишни бошлаган. “аёл бош вазир” “375-бўлим”, “Уч воқеа”, “Мен ва Чарльз”, “Бўр ва латта”, “Бекорчилар”, “Маъбудлар билн суҳбат”, “Бир ўзинг учавер” сингари фильмлада роль ижро этган.
