Франция Президенти элчи Филипп Этенни АҚШга қайтариш ҳақидаги қарорини эълон қилди
Франция Президенти Эммануэл Макрон сув ости кемалари атрофидаги жанжал сабабли маслаҳатлашувлардан сўнг Франциянинг АҚШдаги элчиси Филипп Этенни қайтариш қарорини эълон қилди, деб ёзади “ТАСС.”
Франция элчиси Вашингтонга аниқ музокаралар мандати билан қайтади ва ҳамкорликни қайта тиклаш шартларини муҳокама қилади.
Макрон, шунингдек, Австралиянинг Париж билан шартномани Буюк Британия ва АҚШ билан келишувга алмаштириш қарори Ҳинд ва Тинч океанидаги стратегиясига таъсир қилмаслигини айтди.
Макроннинг қўшимча қилишича, АҚШ билан муносабатлар бўйича мулоқот октябрь ойида давом этади, Байден билан янги суҳбат режалаштирилган.
Эслатиб ўтамиз, АҚШ, Буюк Британия ва Австралия ўртасида 15 сентябрда имзоланган янги АУКУС альянси унга аъзоларнинг Франция билан муносабатларида чуқур дипломатик инқирозни келтириб чиқарди.
Альянс доирасида Австралия саккизта атом сув ости кемасини олади. Ушбу келишув туфайли Австралия француз компанияси билан сув ости кемалари учун кўп миллиардли шартномани бузди.
Париж иттифоқчиларнинг бундай қарорини "орқадан пичоқ" санчиш, деб атаган. Франция Вашингтон ва Канберрадаги элчиларини маслаҳатлашув учун чақириб олган эди.
Бундан аввал Шимолий Корея навбатдаги ракета синовини ўтказгани тўғрисида хабар берилган эди.
Маълум қилинишича, энг камида битта номаълум турдаги снаряд отилган. Шу билан бирга унинг тури ва қаердан отилгани ҳақида маълумот келтирилмаган.
Насиба Тўхтаева
