“Шериф” ҳақида нималарни биласиз?
“Шериф” клубининг Европа чемпионлар лигасида ўйнашини кутилмаган ҳолат, деб ҳисоблаш мумкин.
Мусобақанинг биринчи дебют учрашувида “Шахтёр” жамоаси устидан ғалаба қозонгани мухлисларнинг бу клубга қизиқишини янада орттирди.
“Шериф” бугунги кунда Молдова чемпионати етакчиси ҳисобланади. Жамоа 21 йил ичида 19 марта мамлакат чемпионлигини қўлга киритган. Молдова чемпионати ҳозирда UEFА рейтингида 45-ўринни эгаллаб турибди.
“Шериф” клуби эгаси бир қатор компанияларни бирлаштирган холдингга эгалик қилади. Компания ўз таркибига бир қанча ёқилғи қуйиш шохобчалари, супермаркет ва банкларни қамраб олган. Жамоанинг бир йиллик бюджети 5 дан 8 миллион еврогача. Молдова чемпионатида бу энг юқори кўрсаткич ҳисобланади.
“Шериф” клубида Молдованинг ўзидан атиги 4 нафар футболчи тўп суради. Жамоанинг асосий таркибини Греция, Бразилия, Колумбия, Гана ва бошқа мамлакат футболчилари ташкил қилади. Жамоага украиналик Юрий Вернидуб мураббийлик қилмоқда.
Аввалроқ, Филиппе Коутино премьер-лигага қайтиши мумкинлиги ва Исконинг “Лион”га ўтиши тахмин қилинаётгани ҳақида хабар берилганди.
Жамшидбек Амиров
