Раҳим Стерлинг: “Охирги қадамни ташлай олмаганимиздан ҳали ҳам афсусдамиз”
“Манчестер Сити” ва Англия терма жамоаси ҳужумчиси Раҳим Стерлинг терма жамоанинг ёзда Европа чемпиони бўла олмаганидан ҳали ҳам афсусда эканини тан олди:
“Европа чемпионатида эришган ютуқларимиз билан, албатта, фахрланамиз. Аммо охирги қадамни ташлай олмаганимиздан ҳали ҳам афсусдамиз. Жамоамизни табриклайдиганлар ҳали ҳам топилади. Лекин бизда табриклайдиган нарсамиз йўқ, чунки мусобақада ғолиб бўла олмадик. Жамоа менталитети кучли эди. Биз бош совринни қўлга киритишни жуда хоҳладик. Чемпион бўлиб, тарихда қолишни истадик”.
Эслатиб ўтамиз, Евро-2020 финалида Англия терма жамоаси Италияга пенальтилар сериясида ютқазиб қўйганди.
Аввалроқ “Виляреал” Серж Оре билан шартнома имзолагани ва Флиппе Коутино премьер-лигага қайтиши мумкинлиги ҳақида хабар берилганди.
Жамшидбек Амиров
