Антонио Кассано: "Почеттино 'ПСЖ'да узоқ қолмайди"
“Рома” ва Италия терма жамоасининг собиқ ҳужужмчиси Антонио Кассано “ПСЖ” бош мураббийи Маурисио Почеттинонинг клубда олиб бораётган иши ҳақида фикр билдирди:
“Почеттино “ПСЖ”да узоқ қололмайди деб ўйлайман. Мен у ҳақида кўплаб танқидий гаплар эшитдим. Почеттино тактикага вақт ажратмайди. Жамоа эса ундан шуни талаб қилади. Эшитишимча, у клуб футболчиларидан қандай ўйнаш кераклиги ҳақида маслаҳат сўрайди. Почеттино учун энг зўр футболчилардан ташкил топган жамоани бошқариш қийин. Агар у худди шу руҳда давом этса, Парижда узоқ қолмаслиги мумкин”.
Маурисио Почеттино “ПСЖ” Франция чемпионатида “Ренн" клубидан мағлуб бўлганидан сўнг мухлислар томонидан қаттиқ танқид қилинди. Ҳатто аргентиналик мутахассис ўрнини тез орада Зинедин Зидан эгаллаши мумкинлиги ҳақида миш-мишлар тарқалди.
Аввалроқ, Мбаппега 6 йиллик шартнома ва бир йилда 40 миллион евро маош таклиф қилингани ва “ПСЖ”да стандартларни ким амалга ошириши мумкинлиги ҳақида хабар берилганди.
Жамшидбек Амиров
