Рио Фердинанд “Нюкасл” клубини бошқаришга арзийдиган мураббийни айтди
“Манчестер Юнайтед” собиқ ҳимоячиси Рио Фердинанд “Нюкасл Юнайтед” нинг янги хўжайинига Антонио Контени бош мураббийликка таклиф қилишини айтиб ўтди:
“Мураббий танлаш осон эмас. Ҳозирги номзодлардан Конте ҳам албатта рўйхатга киритилиши керак. Баъзида пул ҳамма нарсани ҳал қилади. Менимча, ҳозир энг яхши вариант — Конте”.
Ўтган ҳафта “Нюкасл” клуби Саудия Арабистони ҳукумати инвестиция фонди ихтиёрига ўтганди. Хабарларга кўра, раҳбарият жамоанинг ҳозирги бош мураббийи Стив Брюсни ишдан бўшатмоқчи.
Эслатиб ўтамиз, ўтган мавсумда “Интер" италиялик мутахассис қўл остида А Cерия чемпионлигини қўлга киритганди.
Аввалроқ “Нюкасл” Икарди ва Ремзи учун янги таклиф киритмагани ҳамда “Нюкасл”ни Саудия Арабистони инвестиция фонди сотиб олгани ҳақида хабар берилганди.
Жамшидбек Амиров
